वीरगञ्ज, २ जेठ
वीरगञ्जमा पछिल्लो समय बढ्दो गर्मी तथा लूको असरलाई ध्यानमा राख्दै जीवन ज्योति विद्यालय र लायन्स क्लब वीरगञ्ज सेन्ट्रलको संयुक्त प्रयासमा घण्टाघर क्षेत्रमा चिसो पानी खुवाउने सामाजिक तथा मानवसेवा मूलक कार्यक्रम सम्पन्न गरिएको छ।
घण्टाघरमा आयोजित उक्त कार्यक्रममा सर्वसाधारणलाई चिसो पानी खुवाउने व्यवस्था मिलाइयो, जसले स्थानीय नागरिक, यात्रु तथा गरिब तथा वंचित वर्गलाई केही राहत प्रदान गर्यो। अत्यधिक तापक्रमका कारण सडकमै हिँड्दा मानिसहरूलाई स्वास्थ्य जोखिम बढ्ने अवस्थालाई मध्यनजर गर्दै सो कार्यक्रम सञ्चालन गरिएको आयोजकहरूले बताएका छन्।
कार्यक्रममा जीवन ज्योति विद्यालयका डाइरेक्टर तथा लायन्स क्लब वीरगञ्ज सेन्ट्रलका जोन चेयर पर्सन मीनाक्षी गुप्ता, विद्यालयका प्रिन्सिपल शिव गुप्ता, शिक्षकगण दीपा थापा, उज्ज्वल घिमिरे, जगदीश झा, राजकुमार गुप्ता लगायत विद्यालयका विद्यार्थीहरूको उल्लेखनीय सहभागिता रहेको थियो। विद्यार्थीहरूले स्वयम्सेवी रूपमा चिसो पानी वितरणमा सहयोग पुर्याएका थिए, जसले उनीहरूमा सामाजिक उत्तरदायित्वको भावना बढाएको देखिएको छ।
लायन्स क्लब वीरगञ्ज सेन्ट्रलका पदाधिकारीहरू मिरा खेतान, सीता अग्रवाल, आशा अग्रवाल जस्ता विशिष्ट व्यक्तित्वहरूको उपस्थिति कार्यक्रमको गरिमा र प्रभावकारिता अझ बढेको थियो। उनीहरूले कार्यक्रमको सफलताको लागि महत्वपूर्ण भूमिका निर्वाह गरे।
कार्यक्रमको समापनमा आयोजकहरूले आगामी दिनहरूमा पनि यस्ता सामाजिक सेवामा निरन्तरता दिने प्रतिबद्धता जनाएका छन्। स्थानीय बासिन्दाहरूले पनि कार्यक्रमको खुलेर प्रशंसा गरेका छन् र यस्ता कार्यहरूले समाजमा सकारात्मक प्रभाव पार्ने विश्वास व्यक्त गरेका छन्।
यो कार्यक्रम वीरगञ्जमा मानवीय सेवा र सामाजिक उत्तरदायित्वका क्षेत्रमा प्रेरणादायी उदाहरणका रूपमा रहेको बताइएको छ।
