न्युज पर्सा, जेठ २, २०८२, शुक्रबार
वीरगञ्ज — कक्षा १२ को वार्षिक परीक्षा सम्पन्न भएपछि वीरगञ्जका विभिन्न विद्यालयका विद्यार्थीहरूले शुक्रबार उल्लासपूर्वक खुशीयाली मनाएका छन्।
परीक्षाको अन्तिम दिन वीरगञ्जको मुख्य क्षेत्रहरूमा विद्यार्थीहरूको समूहले डिजे साउण्डको साथमा नाचगान गर्दै नगर परिक्रमा गरेका थिए। उनीहरूले परीक्षा सकिएको खुसी गीत–संगीत र रमाइलो वातावरणमार्फत व्यक्त गरेका थिए।
नगर परिक्रमा मेनरोड क्षेत्रबाट सुरु भई घण्टाघर, माईस्थान चौक, आदर्शनगर हुँदै नगरका प्रमुख स्थानहरूमा सम्पन्न भएको थियो। विद्यार्थीहरूले आफ्नो विद्यालय नजिकैबाट यात्रा सुरु गरेका थिए र विभिन्न स्थानहरूमा रमाइलो गर्दै परिक्रमा गरेका थिए।
डिजे साउण्ड, नृत्य र उत्साहले भरिएको यो परिक्रमा नगरका सडकहरूमा चहलपहल थप्न सफल भएको थियो। ट्राफिक व्यवस्थापनका लागि नगर प्रहरी र ट्राफिक प्रहरी तैनाथ गरिएको थियो। कार्यक्रम शान्तिपूर्ण रूपमा सम्पन्न भएको प्रहरी स्रोतले जनाएको छ।
यो उत्सवले विद्यार्थीहरूबीचको सहकार्य, उल्लास र परीक्षा पश्चातको राहत भावनालाई झल्काएको थियो।
