वीरगञ्ज वैशाख १०
अन्तर्राष्ट्रिय लायन्स संस्था जिल्ला (३२२ई) अन्तर्गत स्थायी परियोजना (हङ्गर प्रोजेक्ट) अनुसार लायन्स क्लब अफ रक्सौलले असहाय, गरिब तथा दुःखीहरूको सेवा गर्ने संस्था माहेर ममता निवास, आईसीपी रोडमा सबै सेवाग्राहीहरूलाई फलफूल, स्वादिष्ट खाजा वितरण गर्नुका साथै भान्सामा प्रयोग हुने भाँडाकुँडा पनि प्रदान गर्यो। सबै लायन्स सदस्यहरूको स्वागत आरती तथा मंगलगान “जोत से जोत जगाते चलो, प्रेम की गंगा बहाते चलो” गीतबाट गरियो।
यस कार्यक्रमकै अवसरमा क्लबका कोषाध्यक्ष लायन मोहम्मद निजामुद्दिनको जन्मदिन केक काटी मनाइयो र सबैले उहाँको दीर्घायु तथा मंगलमय जीवनको कामना गरे।
सबै सदस्यहरूले मानव सेवालाई नै साँचो परम सुख र धर्म भएको बताउँदै यहाँ आएर विशेष प्रकारको मनमोहक अनुभूति भएको बताएका छन्।
संस्थाका केयरटेकर बीरेन्द्र कुमार तथा सुप्रिया बोद्राले लायन्स क्लबका सदस्यहरूलाई हार्दिक धन्यवाद व्यक्त गर्दै मानवता सेवाको सच्चा भावना प्रति आभार प्रकट गरे।
उक्त कार्यक्रममा क्लब सचिव लायन बिमल सर्राफ, कोषाध्यक्ष लायन मोहम्मद निजामुद्दिन, लायन पवन किशोर कुशवाहा, लायन नारायण रुंगटा, लायन रुबैदा खातुन, लायन हरीश खत्री र लायन अमित कुमारको उपस्थिति रहेको थियो।
यस कार्यक्रमको जानकारी लायन्स क्लब अफ रक्सौलका सचिव तथा मिडिया प्रभारी बिमल सर्राफले पत्रकारहरूलाई दिएका थिए।
