Author: Arjun Chaudhary

वीरगञ्ज,वैशाख २० औँ विश्व प्रेस स्वतन्त्रता दिवसको अवसरमा नेपाल पत्रकार महासंघ पर्सा शाखाले आज वीरगञ्जमा प्रभातफेरी तथा कोणसभाको आयोजना गरेको छ। कार्यक्रम वीरगञ्जको ऐतिहासिक घण्टाघरबाट सुरू भई माइस्थान, आदर्शनगर हुँदै विभिन्न स्थानको परिक्रमा गरी पुनः घण्टाघरमै पुगेर कोणसभामा परिणत भएको थियो। कार्यक्रममा प्रेस तथा अभिव्यक्ति स्वतन्त्रताका लागि भएका संघर्षमा योगदान दिने सम्पूर्ण पत्रकारप्रति श्रद्धाभाव व्यक्त गरिएको थियो। कोणसभालाई सम्बोधन गर्दै विभिन्न वक्ताहरूले प्रेस स्वतन्त्रताको संरक्षण र पत्रकारितामा निहित उत्तरदायित्वका विषयमा धारणा राखे। उनीहरूले विश्व प्रेस स्वतन्त्रता दिवसले राज्यलाई अभिव्यक्ति स्वतन्त्रता सुनिश्चित गर्न र पत्रकारहरूलाई सत्य, निष्पक्ष र नैतिक पत्रकारिता गर्न उत्प्रेरित गर्ने विश्वास व्यक्त गरे। कार्यक्रमले पत्रकारिता क्षेत्रमा निष्पक्षता, उत्तरदायित्व…

रक्सौल, वैशाख १९ भारत विकास परिषद् शाखा रक्सौलद्वारा सञ्चालित निःशुल्क अन्नपूर्णा भान्सा सेवा शिविरले आज आफ्ना सेवाका दुई वर्ष पूरा गरेको छ। यस अवसरमा परिषद्का अध्यक्ष महेश कुमार अग्रवालले यस सेवा परियोजनालाई परिषद्को आत्मगौरवको विषयको रूपमा व्याख्या गरे। उनले भने, “हामीले निरन्तर दुई वर्षसम्म गरीब, असहाय र जरुरतमन्दहरूसम्म तातो र ताजा भोजन पु¥याएर समाजसेवाको महत्वपूर्ण उदाहरण प्रस्तुत गरेका छौं।” हजारौं असहायका लागि जीवनरक्षक रक्सौल नगर परिषद् क्षेत्रका हजारौं गरीब र असहाय व्यक्तिहरूका लागि यो भान्सा सेवा जीवनरक्षक बनेको छ। परिषद्का सदस्यहरूले आफ्नै व्यक्तिगत कोषबाट प्रत्येक महिना शहरका साथै बाहिरबाट आएका असहायहरूका लागि भोजन प्रदान गर्दै आएका छन्। यो सेवा निरन्तर…

रक्सौल, वैशाख १९ लायन्स इन्टरनेशनल जिल्ला (३२२ई) को आगामी लायनिस्टिक वर्ष २०२५–२०२६ (जसको औपचारिक सुरुवात १ जुलाई २०२५ देखि हुँदैछ) मा रक्सौल लायन्स क्लबले ऐतिहासिक सफलता हासिल गरेको छ। क्लबका ७ जना सक्रिय तथा समर्पित सदस्यहरूलाई विभिन्न महत्वपूर्ण पदमा अन्तर्राष्ट्रिय जिल्ला क्याबिनेटमा मनोनयन गरिएको छ। यो उपलब्धिले क्लब र सम्पूर्ण रक्सौल क्षेत्रको प्रतिष्ठालाई थप उचाइमा पुर्याएको छ। प्राप्त जानकारी अनुसार, लायन शम्भु प्रसाद चौरसिया जोनल चेयरपर्सन पदमा मनोनित भएका छन्। सामाजिक सेवामा लामो अनुभव भएका चौरसियाले क्लबको नेतृत्वदायी भूमिकामा प्रभावकारी योगदान दिँदै आएका छन्। त्यसैगरी, लायन नारायण रुंगटा सर्भिस फर स्पेसियली एबल्ड कार्यक्रमको जिम्मेवारी पाएका छन्, जसअन्तर्गत शारीरिक रूपमा अपांग…

अर्जुन चौधरी वीरगञ्ज, बैशाख १९ वीरगञ्जस्थित मकालु होटलमा आज धान, गहुँ, तरकारी तथा उखु बालीहरुको लाभ-लागत विश्लेषण कार्यशाला गोष्ठी एक विशेष समारोहका बीच सम्पन्न भएको छ। भूमि व्यवस्था, कृषि तथा सहकारी मन्त्रालयको आयोजनामा सम्पन्न सो कार्यशालाको उद्देश्य कृषकहरु, विज्ञहरु र नीतिनिर्माताबीच बाली उत्पादनमा लागत, प्रतिफल र बजार सम्भावना सम्बन्धी जानकारी आदानप्रदान गर्नु रहेको थियो। कार्यक्रमको अध्यक्षता भूमि व्यवस्था, कृषि तथा सहकारी मन्त्रालयका सचिव डा. उमेश दाहालले गर्नुभयो। प्रमुख अतिथिका रूपमा उपस्थित माननीय कृषि तथा सहकारी मन्त्री जनार्दन सिंह क्षेत्रीले देशको कृषि क्षेत्रमा उत्पादन लागत र किसानको प्रतिफलबीचको असन्तुलन समाधान गर्न यस्ता विश्लेषणात्मक कार्यशालाहरुले महत्वपूर्ण योगदान पुर्‍याउने विश्वास व्यक्त गर्नुभयो। उहाँले…

बिरगंज, वैशाख १८  १३६औं अन्तर्राष्ट्रिय श्रमिक दिवसको अवसरमा नेपाल औषधि तथा विक्री प्रतिनिधि संघ, बिरगंज इकाईले बिहीबार विविध कार्यक्रमको आयोजना गरी दिवस भव्य रुपमा सम्पन्न गरेको छ। “श्रमको सम्मान गरौँ, श्रमिकको हक अधिकार सुनिश्चित गरौँ” भन्ने मूल नारासहित संघले बिरगंज नगर परिक्रमा गर्दै श्रमिक दिवस मनाएको हो। कार्यक्रमको सुरुवात मोटरसाइकल र्यालीबाट गरिएको थियो, जसले बिरगंज नगरको विभिन्न मुख्य मार्गहरूको परिक्रमा गर्दै श्रमिकहरूको हक, अधिकार र सम्मानका बारेमा जनचेतना फैलायो। र्यालीपछि संघका सदस्यहरू नारायणी अस्पताल पुगेर अस्पतालमा उपचाररत बिरामीहरूलाई फलफूल वितरण गरेका थिए। त्यसपछि श्रमिक दिवसको अवसरमा केक काटी उत्सवमय वातावरणमा कार्यक्रम सम्पन्न गरिएको थियो। कार्यक्रमका प्रमुख अतिथि तथा संघका अध्यक्ष…

वीरगञ्ज वैशाख १६ गौतम समाज कल्याण संस्थाको पहलमा बिरगंज महानगरपालिका वडा नं. ३१ स्थित श्री नेपाल राष्ट्रिय माध्यमिक विद्यालयको हालै स्थलगत निरीक्षण सम्पन्न भएको छ। निरीक्षणका क्रममा विद्यालयको भौतिक पूर्वाधार अत्यन्तै जर्जर अवस्थामा रहेको पाइएपछि, निरीक्षण टोलीले यथासक्य चाँडो मर्मतसम्भार र सुधार कार्य सुरु गर्ने प्रतिबद्धता व्यक्त गरेको छ। गौतम स्कूलका निर्देशक सोनम लामाको अध्यक्षतामा सम्पन्न उक्त निरीक्षणमा विद्यालयको भित्ताहरूको रंग झरिन थालेको, चर्पीको अवस्था नाजुक रहेको, पानीको निकास व्यवस्था अव्यवस्थित भएको लगायतका समस्या उजागर गरिएको थियो। सहभागीहरूबीच विद्यालयको दीर्घकालीन सुधारका लागि छाना मर्मत, रंगरोगन, नाली निकास, चर्पी निर्माण तथा अन्य प्लम्बिङ कार्यहरू आवश्यक रहेकोमा एकमत देखियो। निरीक्षण कार्यक्रममा एलाईड…

वीरगञ्ज, वैशाख १७ हिन्दू धर्मका महान योद्धा, तपस्वी र न्यायको प्रतीक भगवान श्री परशुरामको जयन्ती तथा अक्षय तृतीयाको अवसरमा पर्सा जिल्लामा बुधवार एक भव्य शुभकामना कार्यक्रम भव्यताका साथ सम्पन्न भएको छ। धार्मिक, सांस्कृतिक र सामाजिक दृष्टिले महत्वपूर्ण मानिने यस अवसरमा पर्साका स्थानीय बासिन्दा तथा विभिन्न क्षेत्रका प्रतिनिधिहरूको उत्साहजनक उपस्थिति रहेको थियो। कार्यक्रमको प्रमुख आयोजना बृहस्पति फाउन्डेशन नेपालद्वारा गरिएको थियो, जसको नेतृत्व फाउन्डेशनका अध्यक्ष डा. पुरुषोत्तम दुबेले गरेका थिए। श्री परशुराम जयन्ती समारोह समिति, पर्साका संयोजक पं. रतनेश तिवारीले कार्यक्रम सञ्चालनमा महत्वपूर्ण भूमिका निर्वाह गर्नुभएको थियो। कार्यक्रममा प्रमुख अतिथिका रूपमा वरिष्ठ व्यक्तित्व देवनाथ उपाध्याय रहनु भएको थियो भने ब्राह्मण समाज नेपाल,…

वीरगञ्ज, बैशाख १६ वीरगञ्ज महानगरपालिका वडा नम्बर ५ कुम्हालटोलमा चार कोठे छात्रावास भवनको शिलान्यास गरिएको छ। वीरगञ्ज महानगरपालिकाका वडा नम्बर ५ का वडाअध्यक्ष प्रदीप कुमार चौरसियाको विशेष पहलमा मंगलवार एक कार्यक्रमबीच “आदर्श थारु छात्रावास” भवनको शिलान्यास सम्पन्न गरिएको हो। मधेश प्रदेश सरकारको सहयोगमा ४५ लाख रुपैयाँको लागतमा निर्माण थालिएको यस छात्रावास भवनले थारु समुदायका विद्यार्थीहरूलाई सुरक्षित र सहज आवासीय सुविधा प्रदान गर्ने लक्ष्य राखिएको छ। वडाअध्यक्ष चौरसियाले शिलान्यास समारोहमा बोल्दै छात्रावास भवन निर्माणले विद्यार्थीहरूलाई अध्ययनमा थप सहजता ल्याउने विश्वास व्यक्त गरे। साथै, उनले आगामी वर्षहरूमा पनि थप बजेटको पहल गरेर भवनलाई अझै व्यवस्थित बनाउने प्रतिबद्धता व्यक्त गरे। शिलान्यास कार्यक्रममा उपभोक्ता…

बैशाख १६, बिरगंज जिल्ला प्रहरी कार्यालय मकवानपुरबाट खटिएको प्रहरी टोलीले विशेष सूचनाको आधारमा ठूलो मात्रामा लागुऔषध अफिम बरामद गर्न सफल भएको छ। प्रहरीले हेटौंडा उपमहानगरपालिका–११, थानाभर्‍याङस्थित ठाकुर सिं मोक्तानको घरमा खानतलासी गर्दा ३ किलो ८६० ग्राम अफिम जस्तो देखिने गिलो पदार्थ फेला पारेको हो। प्रहरीका अनुसार उक्त लागुऔषध मोक्तानको कोठाभित्र सुत्ने खाटमा लुकाइछिपाई राखिएको अवस्थामा भेटिएको हो। बरामद गरिएको पदार्थ प्रारम्भिक अनुमानमा अफिम भएको र त्यसको परिक्षण तथा प्रमाण संकलन कार्य भइरहेको जानकारी प्रहरीले दिएको छ। पक्राउ परेका मोक्तानलाई नियन्त्रणमा लिई मकवानपुर जिल्ला अदालत हेटौंडाबाट लागुऔषध कसुर अन्तर्गत ४ दिनको म्याद अनुमति लिई थप अनुसन्धान अघि बढाइएको जिल्ला प्रहरी कार्यालय…

वीरगञ्ज, वैशाख १५ भारतको सबैभन्दा विश्वसनीय र अग्रणी ज्वेलरी ब्रान्डमध्ये एक, कल्याण ज्वेलर्सले अक्षय तृतीयाको पावन अवसरमा आफ्नो रक्सौलस्थित आउटलेटमा तीन दिने मेहेन्दी उत्सव आयोजना गरेको छ। २७ अप्रिलदेखि २९ अप्रिलसम्म चलेको यस विशेष कार्यक्रममा ठूलो संख्यामा ग्राहकहरूको सहभागिता देखिएको छ। भारतीय संस्कृतिमा अक्षय तृतीयालाई दान, सुन खरिद र नयाँ सुरुवातको प्रतीक मानिन्छ। यस अवसरमा सुन तथा अन्य गहना किन्ने परम्परालाई सम्मान गर्दै, कल्याण ज्वेलर्सले सुनका गहनामा मात्र ५०% मेकिङ चार्ज लागू गर्ने विशेष अफर प्रस्तुत गरेको छ। साथै, कल्याण ज्वेलर्सले आफ्नो रजत जयन्ती (२५ वर्ष) को उल्लासमा ग्राहकहरूलाई विभिन्न आकर्षक योजनाहरू र उपहारहरू पनि प्रदान गरेको छ। कल्याण ज्वेलर्स…